今日天氣凍，喺床根本唔想起身，
想同同事講上午Work from Home，下午先返公司。
我唔記得同事約咗余家強 -
我心目中的人物專訪最強作者，
佢今朝上嚟，傾出版合約。
今時今日仲傾出版新書，係咪傻㗎 ？
呢方面我係傻傻哋，
我成日相信，產品內容得，就一定有知音，
即係好似我同Chef 合作，佢煮嘢得嘅，
唔通唔會出到好嘅產品？
最近我幫楊天命、趙善軒網上賣書，
真係好encouraging，啲書去得好快，
令到我覺得，只要出版業一息尚存，讀者仍在，
我有種責任要去堅壯佢。
今次新書嘅內容，
會係結合整個現世代嘅大台起伏史。
由以前嘅娛樂圈要靠大台，
到今日嘅最緊要唔好黐埋大台，
好一個娛樂圈嘅大台興亡史，
要記錄呢段歷史同埋人心嘅轉變，
捨余家強其誰？
其實2020年，我跣咗余家強一鑊，
我作為經理人，line up佢做一個job，
結果有啲阻滯，令到佢嘅好大努力，
無正常嘅回報，但係佢仍然堅持做好，
呢件事令我好唔好意思又好感動。
余家強這一支健筆，我唔想再辜負，
邀請佢出書「大台起伏史」，
佢又一口答應。
最鍾意同啲咁爽快咁勤力咁認真嘅人做嘢。
多謝你余家強，
你會係萬事屋出版社嘅第一位作者，
我出版社全體仝人，與有榮焉。
全體仝人其實得兩個：我同助手Chris。
設計師、編輯會請freelancer 。。。
嗱，呢啲咪係細台囉，呢啲咪係潮流囉。
即刻飛返公司，作者簽約儀式完成 👌🏼
香港（娛樂圈）大台起伏史 - 余家強著，
2021年3月出版，熱切期待。
忽然間好想恭喜自己，Talent是寶藏，
我手上已經有好多寶藏，今日我又執到寶 🌟⭐️😇
#萬事屋 #出版計劃
#余家強 #香港大台起伏史
#重量級作者
Search